Profesori universitar Milazim Krasniqi ka komentuar lajmin për përkeqësimin e gjendjes shëndetësore të ish-presidentit të Kosova, Hashim Thaçi, në Hagë.
Ai ka bërë me dije se ata që po duan ta dënojnë me çdo kusht, mund t’i bëjnë keq edhe në burg Thaçit.
Në profilin e tij në “Facebook”, Krasniqi ka shkruar se ky është sinjal për alarm.
“Deklaratat e emisarit amerikan për rolin historik dhe pafajësinë e sigurt të Hashim Thaçit, ka rrezik kanë egërsuar armiqtë e Kosovës dhe të Thaçit në Gjykatën Speciale e jashtë saj. Kjo përplasje mund të paraqesë rrezik për shëndetin e Thaçit. Pse? Ata që po duan ta dënojnë me çdo kusht, mund t’i bëjnë keq edhe në burg. Kosova e sidomos administrata Tramp duhet të alarmohet për atë rrezik. Lajmi se gjendja e tij shëndetësore sot nuk ishte e mirë, është sinjal për alarm”, ka shkruar Krasniqi.
