Pas raportimit të rajonit së Lista Ideal dhe PDK në Skenderaj ka nisur negociatat për marrëveshje dhe së të njëjtit janë duke u ndërmjetësuar nga dy komandant të respektuar të qytetit të Skenderajt, kreu i listës IDEAL, Gjeneral Nuredin Lushtaku e ka mohuar një gje të tille.
Ai në një letër sqaruese ka njoftuar së ai nuk do të jetë kandidat për deputet i PDK’së dhe së lajmi ishte tendencioz dhe i pavërtetë.
Postimi i plotë i Nuredin Lushtakut:
Pas një lajmi të publikuar dje nga portali Rajoni, se gjoja unë do të jem kandidat i mundshem për deputet nga radhet e PDK-së, e kam për obligim të ju njoftoj se ky është një lajm i pavërtetë dhe tendencioz, i cili e ka burimin te disa individë brenda PDK-së në Skënderaj, të cilët nuk po munden në asnjë formë t’i thyejnë përkrahësit e IDEALIT, dhe kësisoj po përdorin politika propaganduese për të krijuar mjegull tek qytetarët e Skënderajt.
Andaj, nëpërmjet këtij reagimi i bëj thirrje të gjithë përkrahësve të IDEALIT që të vazhdoni të qëndroni stoikisht dhe të pathyeshem sepse rruga jonë politike do të vazhdojë përpara duke u mbështetur mbi parime të ndershme politike, dinjitet dhe në interesin e qytetarëve të Skënderajt.
Çdo vendim politik për rrugën e IDEALIT në zgjedhjet nacionale te 9 Shkurtit 2025 do të jetë i përbashkët dhe në interesin e qytetarëve të Skënderajt.
Asnjëherë nuk do të marr vendime pa u konsultuar me secilin anëtar të IDEALIT.
N.L
