Komisioni Qendror i Zgjedhjeve ka nisur publikimin e votave për kandidatët për deputetë me 90.41 për qind të vendvotimeve të numëruara.
Lista është me numrin që e kanë pasur kandidatët në zgjedhje dhe jo sipas numrit të votave.
Nga koalicioni AAK-Nisma më së shumti vota ka marrë kandidati i koalicionit për kryeministër, Ramush Haradinaj- 37 mijë e 752 vota.
Në këto rezultate nuk përfshihen rezultatet e votave me kusht, votave të personave me nevoja të veçanta dhe votave nga votimi jashtë Kosovës, numërimi i të cilave do të bëhet gjatë ditëve në vazhdim në Qendrën e Numërimit dhe Rezultateve.
