Profesori Bajram Kosumi kujtoi sot në Frontal në T7 demonstratën e 11 marsit 1981.
Ai tha se më herët “kishte një hezitim të madh: a do të munb të bëhet demonstrata?”.
Siç kujton Kosumi – një prej organizatorëve të atyre demonstratave – atë ditë u mblodhën “4-5 mijë studentë” në qendër të Prishtinës.
“Demonstrata ka zgjatë deri diku kah ora 1 e natës”, kujton ai.
Kosumi tha se atë ditë “është pa që kjo lëvizje studentore do të jetë e fuqishme”.
Në demonstratë, ai tha se pati edhe thirrje politike si “lironi shokët nga burgu” dhe “rroftë Adem Demaçi”.
Kosumi, ish i burgosur politik nga regjimi serb, tha se pas demonstratës, diku rreth 20 studentë ishin mbledhur në oborrin e Qendrës së Studentëve dhe e kishin ndezur një zjarr.
“Hamdi Zymberi, më klujtohet – atëherë ende nuk njiheshim – po thotë: ‘ky do të jetë zjarri i revolucionit që nuk do të shuhet asnjëherë’”, kujtoi Kosumi.
