Ambasadori i ShBA-së në Kosovë, Jeff Hovenier, pas takimit që ambasadorët e QUINT-it mbajtën me kryeministrin Albin Kurti, u deklarua shkurt për media.
Siç raportohet, ai tha se shtetet e Quint-it, në konsultim me NATO-n, “nuk e përkrahim asnjë ndërrim të statusit të Urës së Ibrit”
Edhe pse kryeministri i Kosovës, Albin Kurti, njoftoi në mes të korrikut se Qeveria e tij synon ta hapë urën kryesore mbi lumin Ibër në Mitrovicë, misioni ushtarak i NATO-s në Kosovë, KFOR, ka deklaruar se çdo vendim për hapjen e saj duhet të merret në kuadër të dialogut për normalizimin e marrëdhënieve mes Kosovës dhe Serbisë, i cili ndërmjetësohet nga Bashkimi Evropian.
Ura, aktualisht, është e hapur vetëm për këmbësorë, ndonëse, në kuadër të dialogut, është rënë dakord që të hapet edhe për trafik.
