Dhomat e Specializuara të Kosovës, konfirmuan aktakuzën kundër Hashim Thaçit, Bashkim Smakajt, Fadil Fazliut, Isni Kilajt dhe Hajredin Kuçit, dhe më pas lëshoi katër fletarrestime dhe një fletëthirrje.
Në këtë njoftim thuhet se në aktakuzë, Thaçi, Smakaj, Fazliu, Kilaj dhe Kuçi “akuzohen për vepra penale që lidhen me pretendime për përpjekje të paligjshme për të ndikuar në dëshmitë e dëshmitarëve në gjykimin e krimeve të luftës Thaçi dhe të tjerët”.
“Z. Smakaj, z. Fazliu dhe z. Kilaj u arrestuan më 5 dhjetor në Kosovë dhe u transferuan në objektin e paraburgimit të DHSK-së më 6 dhjetor, në bazë të aktakuzës së konfirmuar dhe fletarrestimeve të lëshuara nga Gjykatësja e Procedurës Paraprake e Dhomave të Specializuara të Kosovës. Zyra e Prokurorit të Specializuar (ZPS) kreu arrestimet me mbështetjen e Misionit të Bashkimit Evropian për Sundimin e Ligjit në Kosovë (EULEX)”.
“Fletarrestimi i lëshuar nga Gjykatësja e Procedurës Paraprake iu dorëzua z. Thaçi në objektin e paraburgimit të Dhomave të Specializuara të Kosovës më 5 dhjetor, në bazë të aktakuzës së konfirmuar”.
“Hajredin Kuçit iu dorëzua aktakuza e konfirmuar dhe fletëthirrja për t’u paraqitur para Gjykatëses së Procedurës Paraprake, në bazë të aktakuzës së konfirmuar, për paraqitjen e parë”, thuhet në njoftim.
Sipas Aktakuzës së konfirmuar, thuhet se së paku midis 12 prillit 2023 dhe 2 nëntorit 2023, “gjatë vizitave jo të privilegjuara në objektin e paraburgimit, “zoti Thaçi u dha zotit Smakaj, zotit Kilaj, zotit Fazliu dhe zotit Kuçi informacion konfidencial në lidhje me dëshmitarë të ZPS-së, udhëzime për të ndikuar në dëshmitë e dëshmitarëve të ZPS-së dhe hollësi se si duhej ta bënin këtë”.
“Në aktakuzë më tej pretendohet se z. Thaçi bashkërendoi tri grupe të veçanta, të formuara me z. Smakaj, me z. Fazliu dhe me z. Kilaj, dhe persona të tjerë kundër të cilëve nuk janë ngritur akuza, si dhe me z. Kuçi, me synimin për të ndikuar në dëshmitë e dëshmitarëve të ZPS-së në kontekstin e gjykimit aktual për krime lufte Thaçi dhe të tjerët”.
“Në aktakuzën e konfirmuar, kundër z. Thaçi janë ngritur tri akuza për tentativë për pengim të personave zyrtarë në kryerjen e detyrave zyrtare, me anë të pjesëmarrjes në veprimin e përbashkët të një grupi; katër akuza për shkelje të fshehtësisë së procedurës, dhe katër akuza për mosbindje ndaj gjykatës”.
“Kundër z. Fazliu, z. Smakaj dhe z. Kilaj është ngritur nga një akuzë për tentativë për pengim të personave zyrtarë në kryerjen e detyrave zyrtare, me anë të pjesëmarrjes në veprimin e përbashkët të një grupi, dhe një akuzë për mosbindje ndaj gjykatës”.
“Kundër z. Kuçi janë ngritur dy akuza për mosbindje ndaj gjykatës”.
Në përputhje me Rregulloren e Procedurës dhe të Provave të DHSK-së, seancat e paraqitjes së parë për katër nga të akuzuarit në këtë çështje gjyqësore Thaçi, Smakaj, Fazliu dhe Kilaj, janë caktuar për të dielën, 8 dhjetor 2024, duke filluar nga ora 09:30, me paraqitjen e parë të Thaçit.
Detaje nga aktakuza, takimi i Thaçit dhe Fazliut
Prokuroria e Specializuar në detajet e aktakuzës ka pretenduar se kur Fadil Fazliu ka vizituar Thaçin, ky i fundit i ka dhënë informacione konfidenciale për dëshmitarët.
Aty thuhet se Fazliu edhe është udhëzuar se çfarë të i përcillte dëshmitarit.
Ky mesazh sipas Prokurorisë kishte të bënte me atë se çka dëshmitari do deklaronte në Hagë.
“Më 2 korrik 2023, Fadil FAZLIU vizitoi Hashim THAÇIN në Qendrën e Paraburgimit të KSK-së (‘Qendra e Paraburgimit’). Gjatë vizitës, Hashim THAÇI ka ofruar informacione konfidenciale për dëshmitarët e SPO-së në rastin Thaçi et al. rasti dhe ofroi udhëzime të hollësishme që Fadil FAZLIU duhej t’i përcillte dëshmitarit të PSP-s, se si duhet të dëshmonte Dëshmitari 1”, thuhet aty.
Tutje, në aktakuzë përmendet se janë pajtuar që Fahri Fazliu të takohet me një dëshmitar.
“Hashim THAÇI dhe Fadil FAZLIU diskutuan gjithashtu mjetet me të cilat duhet të jepeshin udhëzimet e THAÇI-t, duke rënë dakord që djali i Fadil FAZLIU, Fahri FAZLIU të kontaktonte Dëshmitarin 1 për të organizuar një takim. Fadil FAZLIU dhe Fahri FAZLIU ishin takuar më parë me Dëshmitarin 1 më 29 qershor 2023 pas një shkëmbimi të mesazheve me tekst më 26 qershor 2023. Më 3 korrik 2023, Fahri FAZLIU shkëmbeu mesazhe me Dëshmitarin 1 për të organizuar një takim ndërmjet Fahri FAZLIU, Fadilit Dëshmitari 1 për më vonë atë ditë, në përputhje me udhëzimet e Hashim THAÇIT për Fadil FAZLIU”, shkruhet në dokumentin e publikuar.
Në Qendrën e Paraburgimit, sipas Prokurorisë me 3 shtator 2023, Hajredin Kuçi ka marrë po ashtu udhëzime që duhej të ia përcjelltë dëshmitarëve nga Thaçi.
Ndërsa në bisedë Kuçi pranoi udhëzimet dhe konfirmoi se ka takuar një dëshmitar.
“Më 3 shtator 2023, Hajredin KUÇI vizitoi Hashim THAÇIN në Qendrën e Paraburgimit. Gjatë vizitës, Hashim THAÇI dha udhëzime të detajuara që Hajredin KUÇI t’ua përcjellë dëshmitarëve. Hajredin KUÇI në mënyrë të përsëritur konfirmoi dhe/ose pranoi udhëzimet e Hashim THAÇI-t lidhur me ndërhyrjen e dëshmitarit dhe dha sugjerime për udhëzimet që do t’i jepeshin Dëshmitarit 5 dhe Dëshmitarit 6. Hajredin KUÇI gjithashtu konfirmoi se ai ishte takuar me Dëshmitarin 5 për të diskutuar dëshminë e Dëshmitarit 5 në të paktën një rast më parë”, theksohet aty.
Seanca e paraqitjes së parë të Hajredin Kuçit është caktuar për të hënën, 9 dhjetor 2024, në orën 10:00.
Seancat e paraqitjes së parë do të jenë publike dhe mund të ndiqen në gjuhët shqipe, anglishte ose serbishte përmes faqes së transmetimit në faqen e internetit të DHSK-së, me një vonesë prej 10 minutash, ose nga galeria për publikun në selinë e Gjykatës.
