sh-komandanti i Ushtrisë Çlirimtare të Kosovës (UÇK), Pjetër Shala është dënuar me 18 vjet burgim për ndalim arbitrar, torturë dhe vrasje të paligjshme.
Ai është shpallur fajtor për tri nga katër pikat e aktakuzës që rëndonin ndaj tij.
Shala u shpall fajtor për ndalim arbirtrar si krim lufte kundër së paku 18 personave në periudhën mes 17 majit 1999 deri më 5 qershor të atij viti në Fabrikën e Metalit në Kukës, torturë si krim lufte kundër së paku 18 personave dhe vrasje si krim lufte kundër një personi.
Shala u shpall i pafajshëm për pikën dy të akuzës.
Për pikën 1 të akuzës, Shala u dënua me 6 vjet burgim, 16 vjet burgim për pikën tre dhe 18 për pikën 4. Andaj, ndaj tij u shpall dënim unik me 18 vjet burigm.
Trupi gjykues vlerësoi se pesha e krimeve ishte e rëndë dhe se Shala kishte një autonomi dhe pushtet brenda UÇK-së.
