Një person është plagosur me armë zjarri mëngjesin e sotëm në “Kodrën e Trimave” në Prishtinë.
Viktima është dërguar për tretman mjekësor, ndërsa nuk raportohet për të arrestuar.
“Sot rreth orës 07:00 policia ka marrë informatën për një plagosje me armë zjarri të ndodhur në lagjen ‘Kodra e Trimave’ në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që e karakterizojnë ngjarjen. Dyshohet se një person është plagosur me armë zjarri dhe i njëjti është dërguar për tretman mjekësor”, ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
