Pjesë e Big Brother VIP Kosova mbrëmë u bë edhe këngëtarja e njohur, ish-Miss Kosova, Drenusha Latifi.
Ajo ka thënë se pengu i saj i vetëm janë dy fëmijët e saj që i ka lënë jashtë.
Latifi bëri të ditur se ende nuk e ka marrë kujdestarinë e tyre dhe ajo uron që nëpëmjet këtij spektakli të rregullohet kjo gjë.
Këngëtarja para disa muajsh kishte njoftuar se ka pësuar dhunë nga bashkëshorti i saj.
Ajo kishte publikuar fotografitë e lëndimeve që ka marrë.
Sipas Latifit, bashkëshorti i saj kishte ushtruar dhunë fizike ndaj saj, përgjatë pushimeve verore në Sarandë.
Ajo kishte thënë se gjendja e dhunshme e ish-burrit të saj mund të ishte stimuluar edhe nga substancat narkotike dhe përdorimi i alkoolit
Përveç kësa, Latifi me avokaten e saj, Saranda Keqekolla, përmes një letre i ishin drejtuar ministrit të Punëve të Brendshme, Xhelal Sveçla, për rastin e dhunës në familje.
Ajo është ankuar për neglizhencë të rastit nga policia.
Ndërkaq, ish-bashkëshorti i Drenusha Latifi, Atila Kardes, ishte shoqëruar në Polici.
